Në ndeshjen që Barcelona zhvilloi me Celta Vigon, takim që përfundoi me fitoren e katalunasve me shifrat 3-1, vëmendjen e mori mbrojtësi Ronald Araujo, i cili pësoi një dëmtim të frikshëm.
Araujo u përplas kokë më kokë me Gavin në një duel, ndërsa më pas u rrëzua në tokë pa ndjenja, duke panikosur të gjithë të pranishmit.
Por për fat të mirë s’ka nevojë për panik te Barça, pasi sipas asaj që raportojnë mediat spanjolle mbrojtësi i katalunasve është rikthyer në stërvitje, por ende është në pritje të aprovimit nga mjekët për t’u rikthyer në dispozicion të Xav-it, transmeton Indeks Online.
Gjithsesi nuk ka ndonjë nxitim që uruguaiani të bashkohet sa më shpejt me skuadrën, pasi sezoni praktikisht ka përfunduar dhe katalunasit janë një hap larg marrjes të vendit të 2-të në renditje.
