Presidenti i Serbisë, Aleksandar Vucic ka komentuar paraqitjen e kërkesës se Republikës së Kosovës për anëtarësimin në Këshillin Evropian duke thënë se Prishtina ka shkelur marrëveshjen e Washington-it me këtë veprim, raporton InLjami.
“Ju bëj me dije se para 5 minutash Donika Gervala ka paraqitur kërkesë zyrtare për anëtarësimin e të ashtuquajturës Kosovë në Këshillin e Evropës dhe kështu Prishtina ka shkelur një marrëveshje tjetër, atë të Washingtonit, të cilën e kanë shkelur brutalisht. Neve na takon të mos hyjmë në konflikt të urrejtjes, ,por të japim një përgjigje në mënyrë racionale”, tha Vuçiq.
Vuçiqi ka shtuar se Serbia është një vend i vogël liridashës që mbron sovranitetin e saj dhe do të përpiqet ti kundërshtoj në mënyrë paqësore dhe diplomatike veprimet e Kosovës.
“Eshtë detyra jonë të mbrojmë vendin tonë dhe se Beogradit do t’i kërkohet të njohë pavarësinë e të ashtuquajturës Kosovë”. Siç theksoi ai, Prishtina ka 67 deri në 70 për qind të mbështetjes në Këshillin e Evropës, nëse do të votonin për anëtarësim, dhe shtoi se Prishtina nuk do të qëndrojë vetëm në kërkesën për anëtarësim në Këshillin e Evropës.” shtoi ai
“E ashtuquajtura Kosovë ka marrë mbështetjen e SHBA-së për t’iu bashkuar Partneritetit për Paqe. E gjithë kjo nuk vlen shumë për ta, nëse nuk marrin dritën e gjelbër nga Serbia”, tha ai.
“Kjo do të ketë një efekt shtesë në marrëdhëniet në rajon. Kush ka nevojë dhe kush e ka bindur Prishtinën që ta paraqesë këtë iniciativë, përgjigja jonë duhet të jetë e zgjuar dhe e mençur, për të ruajtur stabilitetin. Unë pyes se si na thirrën në Washington kur shkelën me rastin e parë të mundshëm këtë marrëveshje. Washingtonin. Dëshirojnë që ne të njohim pavarësinë, ne nuk do ta bëjmë këtë”, tha Vuçiq.
Sipas presidentit serb, veprimet e Kosovës do të kenë efekt shtesë në mardhëniet në rajon./InLajmi/
