Kryeministri i Shqipërisë, Edi Rama ka reaguar pas mosvotimit të rezolutës për njohjen e gjenocidit ndaj boshnjakvë në Srebrenicë, rezolutë kjo e kërkuar nga Sali Berisha dhe një grup deputetësh të tjerë, përcjell InLajmi.
Sipas Ramës, kjo ishte lojë e ulët e Sali Berishës, të cilit i referohet si person i korruptuar dhe minues i demokracisë.
Ai thotë se Sali Berisha njihet botërisht edhe si thyerësi i embargos ndaj Sllobodan Millosheviçit dhe që sipas tij ai po kapet deri edhe pas kockave të viktimave të kasapit të Beogradit, për t’u ringjallur nga varri i tij politik
Rama thotë se për këtë rezolutë së pari është dashur të dihet se për ç’arsye po dorëzohet, si dhe është dashur të mësohet se ajo s’është rezolutë, por lojë e ulët.
Në fund Rama thotë se Srebrenica nuk mund të jetë letër për bojën e katranit të Shqipërisë.
Postimi i plotë i tij:
Ata që hidhen përpjetë për gjoja dështimin e një rezolute mbi Srebrenicën në parlamentin shqiptar, si fillim duhet të pyesin po ç’ne kjo rezolutë sot,pse,me ç’rast?Pastaj duhet të informohen mbi tekstin në fjalë dhe në fund duhet ta mësojnë se ajo s’ishte rezolutë po lojë e ulët!
Edhe një fakt për t’u nënvizuar: Parlamenti sot nuk ka rrëzuar asnjë rezolutë për Srebrenicën, po thjesht ka refuzuar të fusë në procedurën trejavore parlamentare një dokument të ardhur nga Katrani, siç do të bëjë me çdo letër që do të ketë bojën e tij!
Lojë e ulët e një të shpalluri nga SHBA si i korruptuar dhe minues i demokracise, që njihet botërisht edhe si thyerësi i embargos ndaj Sllobodan Millosheviçit dhe që kapet deri edhe pas kockave të viktimave të kasapit të Beogradit, për t’u ringjallur nga varri i tij politik!
Keqardhje për ata që pa e pasur idenë fare të kësaj loje të ulët, ndjehet gabimisht të lënduar dhe neveri për ata që i shkojnë pas avazit të një të damkosuri si katran me bojë, po Srebrenica nuk mund të jetë letër për bojën e katranit të Shqipërisë! /InLajmi/
