Përfaqësuesja e Shqipërisë në Eurovision, Ronela Hajati nuk ia doli të kualifikohet në finalen e madhe të Eurovisionit, përcjell InLajmi.
E në lidhje me këtë ka reaguar edhe kreu i AKR-së, Behgjet Pacolli, i cili ka thënë se ky moskualifikim i Ronelës ndodhi për shkak të veshjes që ajo hyri në garë, mirëpo ai theksoi se si në Itali ashtu edhe në Francë e Zvicër po e vlerësojnë përformancën e Ronelës dhe u vjen keq për skualifikim e saj.
Pacolli thotë se të gjithë e tallën Ronelën për mënyrën se si ishte veshur dhe kjo mund të ishte arsyeja që ajo nuk mundi të shkojë në finale.
Postimi i plotë i tij:
Ronela Hajati nuk u kualifikua në finalen e madhe të Song Contest të Eurovizionit 2022 për shkak të veshjës me të cilën hyri në garë. Mbrëmë, por edhe sonte në debate të ndryshme, këtu në Itali, Francë e Zvicër vlerësojnë shumë muzikën, tekstin dhe përformancën e Ronelës dhe u vjen keq për skualifikimin e saj por, thuajse të gjithë tallën e qeshin me mënyrën banale e vullgare se si ajo ishte veshur. Ata thonë se ajo u skualifikua për këtë arsye. /InLajmi/
