Ministri i Jashtëm i Finlandës, Pekka Haavisto tha se pushtimi rus në Ukrainë, ishte pika e cila ktheu Rusinë pas në kohë dhe i përmbysi dekadat e mbështetjes publike për rreshtimin jo ushtarak, transmeton InLajmi.
Pekka Haavisto dikur ishte një avokat i hapur e angazhimit dhe bashkëpunimit të ngushtë me Rusinë, tani ai mbështet Finlandën që t’i bashkohet NATO-s sa më shpejt të jetë e mundur dhe shton se vendi do të shpallë zyrtarisht aplikimin e tij në fillim të javës së ardhshme nëse, parlamenti jep dritën jeshile.
Haavisto përsëriti preferencën e vendit të tij për t’u bërë anëtar i NATO-s në të njëjtën kohë me Suedinë, ku mbështetja publike për t’u bashkuar me aleancën po bëhet me më pak entuziazëm, shkruan BBC.
Ministri Haavisto tha se pyetjet që po iu bëhen popullit suedezë, nëse do të bashkoheshin me NATO-n nëse Finlanda do të bashkohej, mbështetja në sondazhet e opinionit rritet me 10% për shkak të bashkëpunimit të ngushtë midis 2 vendeve./InLajmi/
