Përfaqësuesja e Shqipërisë në Eurovision, Ronela Hajati me këngën “Sekret” nuk ia doli të kualifikohej as për finalen e Eurovisionit, përcjell InLajmi.
E kjo ka shkaktuar shumë reagime, ndër ta është edhe aktori Çun Lajçi, i cili rikujtoi se edhe më herët e kishte kritikuar këtë këngë, duke thënë se qysh atëherë kishte thënë se “Gjithçka mund t’jetë, veç këngë shqiptare jo’.
Lajçi theksoi se në atë kohë kishte marrë shumë sharje nga gjysma e Shqipërisë, pasi e kishte kritikuar këtë këngë.
Aktori pas rezulatit jo të mirë të kësaj kënge në Eurvision, iu drejtohet të gjithë atyre që e kanë sharë, duke i thënë “Kend keni me sha tash, ju andej, se ne kendej jemi t’shamë që 100 vjet”.
Me ironi e thotë “ky është ballkani i hapur”
Postimi i plotë i tij:
Ky asht Ballkani i Hapur!
Pata shkrua atë natë, kur kjo kangë fitoi n’Tiranë, e pata thanë: Gjithçka mund t’jetë, veç kangë shqiptare s’mund t’jetë! E gjysa e Shqipnisë nisën me m’sha!
Kend keni me sha tash, ju andej, se ne kendej jemi t’shamë që 100 vjet! /InLajmi/
