Ministri i Jashtëm çek, Jan Lipavsky ka falënderuar anëtarët e OKB-së për zgjedhjen e vendit të tij në Këshillin e OKB-së për të Drejtat e Njeriut, duke zëvendësuar Rusinë, e cila u pezullua nga ky organ në prill për pushtimin e Ukrainës, transmeton InLajmi.
Lipavsky shprehu mirënjohjen e tij për besimin e dhënë nga OKB-ja për Republikën Çeke. Ai tha se vendi i tij do të fillojë menjëherë punën, si pjesë e sesionit të së enjtes.
Ministri i Jashtëm tha se të drejtat e njeriut mbeten një prioritet si për partinë e tij ashtu edhe për qeverinë çeke, e cila ai tha se po i kthehet trashëgimisë së Vaclav Havel.
“Ne i përkasim Këshillit të të Drejtave të Njeriut. Rusia jo,” i tha ai serverit çek të lajmeve Novinky, shkruan BBC.
Republika Çeke do të shërbejë pjesën e mbetur të mandatit 3-vjeçar të Rusisë në këshill. /InLajmi/
