Paulo Dybala vazhdon të jetë i pavendosur për të ardhmen e tij.
Ylli argjentinas do të largohet nga Juventus në fund të këtij sezoni dhe do të nis një aventurë të re, që me shumë gjasë do të vazhdojë të jetë në Serie A.
Interi shiheshin si favoritët për shërbimet e tij, me një ofertë të nisur për 6 milionë euro për sezon.
Megjithatë, sipas ‘Il Giornale’, Dybala do të ishte më i interesuar për të pritur një ofertë të ngjashme nga Milani.
‘La Joya’ do të ishte opsioni ideal për Milanin që kërkon një organizator në fazën ofensive, por që e njeh mirë ligën italiane,përcjell lajmi.net
Borussia Dortmund, Atletico Madrid e Tottenham vazhdojnë të jenë skuadrat që po ashtu lidhen me argjentinasin. Mbetet të shihet se ku do të luajë ai sezonin tjetër.