Mosliberalizimin e vizave, qytetarët po e konsiderojnë si të padrejtë, e shohin si një nevojë për të rinjtë e vendit.
Një qytetar tha se liberalizimi i vizave për Kosovën është i domosdoshëm.
“Liberalizimi i vizave është kusht i Kosovës për me shku në Evropë. Evropa gjithsesi duhet ta pranojë atë me padurim dhe duhet me pas kujdes se liberalizimi i vizave i të gjitha vendëve të Ballkanit ju ka lejuar, vetëm Kosova se ka. Kosova duhet ta merr liberalizimin e vizave si çdo shtet tjetër. Liberalizimi i vizave, Gjermania ka përkrahje, Austria ka përkrahje, Belgjika ka përkrahje kështu që liberalizimi i vizave është kusht i domosdoshëm”.
E një tjetër qytetarë thotë se udhëheqësit e vendit po mendojnë vetëm për vete, ndërsa për popullin askush.
“E padrejtë është, qe sa vjet ne nuk kemi asgjë përparim. Ne nuk na bënë hesap askush, udhëheqësi karriget për vete, për popull nuk mendon kush. Rinia po ikin çdo ditë e kështu”.
“Po mundet me qenë në qoftë se pranojnë ata, varet tash prej 2 shteteve Franca dhe do të tjera”.
E Gabriel Syla thotë se liberalizimi i vizave është nevojë për të rinjtë për ta shijuar Evropën.
“Është e padrejtë boll, por duhet me u pajtu tash deri sa të na bëhet, me pritë”.
“Po se kemi nevojë, për neve të rinjve sidomos me dal pak, me ecë, me shiju Evropën. Njeriu kur të sheh tani ndryshe është”.
Mehdi Gashi konsideron se mosliberalizimi i vizave është i padrejtë, në të kundërtën, sipas tij, liberalizimi i vizave është i mirëseardhur për të rinjtë e vendit,
“Neve na vyen shumë liberalizimi i vizave, mua si pensioner me dalë me shku se kam ndejt 7 vite në Gjermani e tash me dashtë me shku nuk mundem. Mirëpo, për të rinjtë është më se e mirëseardhur, për ta se për neve të vjetrit edhe me dal edhe mos me dal nuk qon peshë. Veç të rinjtë presin sikur dita që e pret diellin, qashtu”.
“Padrejtësi për neve gjithmonë, drejtësia te na nuk ka ardhur kurrë. Kanë fol do të bëhet, do të bëhet po pa u bë sen”.
Edhe një qytetar tjetër tha se është si një lloj ëndrre dalja në Evropë, por ai u shpreh pesimist se kjo do të ndodh.
“Po besoj që na duhet ma shumë se që jemi t’u e prit”
“Në Evropë nuk kam dal asnjëherë po pres me dal, domethënë e kemi si lloj ëndërre për me dal në Evropë se me prit viza po refuzohet, është mirë me u hekë krejt sipas meje po nuk e besoj që hekën”, tha ai, shkruan Ekonomia Online.
“Padrejtësi tash ka gjithë me thënë, jemi mësuar me ta, padrejtësi ka gjithë nuk është që nuk të mësuar me ta”.
