Në një parking në Veternik të Prishtinës një veturë është kapluar nga zjarri, si pasojë edhe veturat e tjera që kanë qenë afër në parking kanë pësuar djegie, përcjell InLajmi.
Lajmin për gazetën InLajmi e ka bërë të ditur zëdhënësi i Policisë, Baki Kelani, i cili tha se nuk raportohet për të lënduar, por vetëm për dëme materiale në 7 apo 8 vetura.
Me të marrë lajmin njësitet policore menjëherë kanë dalë në vendin e ngjarjes.
Njoftimi i plotë nga Policia e Kosovës:
Prishtinë, 09 maj 2022
Rreth orës 13:40 në Veterrnik të Prishtinës, në një parking veturash është raportuar për një rast zjarri.
Njësitet policore menjëherë kanë dalë në vendin e ngjarjes, ku kanë vërejtur se nga zjarri i cili dyshohet se ka kapluar një veturë të parkuar, dyshohet se janë djegur/dëmtuar edhe disa vetura tjera të parkuara.
Janë njoftuar me kohë njësitet e zjarrëfiksave të cilat kanë lokalizuar zjarrin.
Për momentin nuk raportohet për të lënduar por vetëm për dëme materiale në 7 apo 8 vetura.
Lidhur me rastin janë duke u kryer hetime intensive. /InLajmi/
