Deputetja e Lëvizjes Vetëvendosje, Mimoza Kuari-Lila ka thënë se “Dita e Evropës” e gjen Evropën në mesin e një lufte ku një shtet sovran mbron interesat dhe kufijtë e BE-së pa qenë anëtar i saj, përcjell InLajmi.
Kusari-Lila ka shtuar se përkundër të gjithë vështirësive , kosovarët kanë mbetur me besim të lart ndaj BE-së në procesin e integrimit edhe pse janë qytetarët e vetëm në Ballkanin Perëndimor që nuk kanë liberalizim të vizave.
Postimi i plotë, i saj:
Duke pritur BE-në
9 Maji e gjen Evropën në mesin e një lufte në të cilën një shtet sovran i kontinetit të vjetër Ukraina, pa qënë ende anëtar i BE-së, mbron vlerat dhe kufinjtë e BE-së ndaj një agresioni të paparë Rus që nga lufta e II-të botërore.
Në Kosovë, përkundër të gjitha vështirësive, Kosovarët mbesin me besimin më lartë në Bashkimin Evropian dhe procesin e integrimit, përkundër se jemi shteti i vetëm në Ballkanin Perendimor pa liberalizim të vizave, përderisa besimi i popujve të shteteve fqinje, statuset e të cilave në procesin e integrimit janë shumë më të avansuara se ai i Kosovës, kanë besim shumë më të ultë në BE
Kosova shënon ditën e Evropës me ditë pushimi, sikur simbolika e pauzës të cilën të paktën deri tani, BE-ja e aplikoi ndaj progresit të Kosovës në proces të integrimit. Prej mbajtjes së liberalizimit të vizave e deri tek statusi i vendit kandidat i cili ende nuk ka as afat kohor.
Populli ynë e ka të mësuar shpresën në situatat kur ajo mbetet faktori kryesor për të besuar në ardhmen më të mirë.
Megjithatë, mbetet për Kosovën tani momenti kritik në mënyrë që të mbahet besimi në integrimin Evropian, t’i ipet Kosovës liberalizimi i shumë vonuar i vizave, Kosova të dorëzojë aplikimin dhe të ketë pranimin në Këshillin e Evropës, si dhe, Kosova të ketë qartësim të afatit për rrugëtimin e saj drejt integrimit të plotë. Është i domosdoshëm progresi në rrugën e integrimit, pasi progresi brenda Kosovës këtë vitin e fundit është shënuar dhe reflektuar edhe në vlerësimet ndërkombtare.
Gjithashtu, për ne parlamentarët, sa më parë duhet të kemi dakordimin e plotë të ndryshojmë ligjin për festat zyrtare dhe të mbajmë ditë pune ditën e Evropës, ndoshta për të liruar simbolikisht pushimin që BE-ja ia bëri Kosovës në rrugën drejt saj deri më tani.
Gëzuar dita e Evropës, populli më Evropian i rajonit/InLajmi/
