Një burrë nga Nepali është ngjitur në malin Everest për herë të 26-të, duke kaluar rekordin e tij të mëparshëm botëror të vendosur vitin e kaluar, transmeton InLajmi.
Kami Rita Sherpa, 52 vjeçar, u ngjit në majën e Everestit të shtunën, ndërsa udhëzonte 10 persona të tjerë përgjatë rrugës së kreshtës juglindore.
“Kami Rita ka thyer rekordin e tij dhe ka vendosur një rekord të ri botëror në ngjitje”, tha Taranath Adhikari, drejtor i përgjithshëm i Departamentit të Turizmit në kryeqytetin Katmandu.
Gruaja e rekordit, Jangmu, tha se ishte e lumtur për arritjen e burrit të saj.
I lindur në një familje alpinistësh, Kami Rita është djali i një prej udhërrëfyesve të parë profesionistë Sherpa, i cili udhëhoqi alpinistët e huaj në Everest pasi Nepali u hap me të huajt në 1950, shkruan Daily Mail.
Përveç kësaj, vëllai i Kami Ritës ka shënuar 17 ngjitje në majën e malit Everest. /InLajmi/
