Jack Harlow e çoi flirtimin në një tjetër nivel. Reperi nga Kentucky i dedikoi një këngë fiksimit të momentit, Dua Lipës. Kënga mban emrin e këngëtares dhe është pjesë e albumit “Come Home The Kids Miss You”.
Ekipi i marketingut duhet të ketë punuar fort, pasi një këngë që mban emrin “Dua Lipa” i dha albumit shumë vëmendje.
Jack është i qartë në qëllimet e tij për Duan. “Po përpiqem të bëj më shumë gjëra me të sesa një bashkëpunim,” thotë ai në një moment. Ok, easy tiger.
Interesi i Harlow për Duan tërhoqi vëmendjen e internetit kur, gjatë një interviste në tapetin e kuq në ndarjen e çmimeve Grammy të këtij viti, ai tha se mezi priste ta shihte këngëtaren në ceremoni, transmeton Anabel Magazine.
Të gjithë jemi kuriozë se si mund të ndryshojnë ngjarjet. Ku i dihet, ndoshta Dua mund të shfaqë interes për të. Nëse po, reperi do t’i vërtetojë botës se të bësh këngë shumë i eksituar ia vlen në fund të fundit.
