Zëdhënësi i Kremlinit, Dmitry Peskov tha të mërkurën se nuk kishte asnjë shans që presidenti rus Vladimir Putin t’i shpallte luftë Ukrainës më 9 maj, e cila është Ditën e Fitores së Rusisë, duke i hedhur poshtë këto raporte si “të pakuptimta”, transmeton InLajmi.
Peskov hodhi poshtë gjithashtu raportet se Putini mund të përdorë Ditën e Fitores për të shpallur mobilizimin në vend, gjë që do t’i lejonte qeverisë jo vetëm të mbledhë trupa, por edhe të vendosë ekonominë në një bazë lufte.
Analistët dhe zyrtarët perëndimorë thanë më parë se besojnë se më 9 maj, pas më shumë se 2 muajsh që e quajti pushtimin e Ukrainës një “operacion special ushtarak”, Putin mund të shpallte zyrtarisht luftë.
9 maji, i njohur si “Dita e Fitores” brenda Rusisë, përkujton humbjen e vendit të nazistëve në 1945.
Ajo shënohet nga një paradë ushtarake në Moskë dhe liderët rusë tradicionalisht qëndrojnë mbi varrin e Vladimir Leninit në Sheshin e Kuq, shkruan CNN.
Putini ka një sy të mprehtë për simbolizmin, andaj zyrtarët perëndimorë besojnë se ai do të përdorte 9 majin për të shpallur një arritje ushtarake në Ukrainë. /InLajmi/
