Një nga personat e mbetur brenda fabrikës së çelikut në Azovstal në Mariupol ka përshkruar kushtet atje, transmeton InLajmi.
Më shumë se 500 njerëz me lëndime trupore janë ende brenda kompleksit të madh industrial, tha Mykhailo Vershynin.
200 prej tyre ishin në gjendje kritike, pohoi ai. Vershynin shtoi se gjendja shëndetësore e të plagosurve po përkeqësohej për shkak të mungesës së ndihmës mjekësore dhe kushteve josanitare.
Kishte një “mungesë totale të gjithçkaje”, tha ai qoftë ushqim, ujë apo mjekim.
Spitali i Azovstal ishte bombarduar qëllimisht nga trupat ruse, pretendoi ai.
Pavarësisht kushteve të dëshpëruara, mbrojtësit e Azovstal thane se ishin “gati për të luftuar deri në fund”.
Vershynin, i cili ishte shef i patrullës së policisë para luftës, tha se mbrojtësit varionin në moshat nga 19 deri në 60 vjeç, shkruan BBC.
Të dielën, një grup i parë civilësh u evakuuan përfundimisht nga kompleksi i madh industrial. Dje, ata arritën në Zaporizhzhia të mbajtur nga Ukraina. /InLajmi/
