Kryetari i Deçanit, Bashkim Ramosaj ka marrë pjesë në ekspozitën e mbajtur nga nxënës të shkollave fillore dhe të mesme, përcjell InLajmi.
Kjo ekspozitë është si shenjë nderimi për dëshmorët dhe martirët e kombit.
Ramosaj tha se dëshmorët e dhanë jetën për lirinë tonë, andaj ne tani i kujtojmë dhe e lartësojmë figurën e tyre me respektin më të madh.
Postimi i plotë i tij:
Sot kisha kënaqësinë të isha pjesë e hapjes së ekspozitës tashmë tradicionale, që mbahet me nxënësit e shkollave fillore dhe të mesme të komunës tonë.
Ekspozitë kjo në nderim të datave 5 dhe 6 Maj, si shenjë nderimi dhe përkujtimi për dëshmorët dhe martirët e Kombit!
Dëshmorët dhanë jetën në luftë për qëllimin e shenjtë të Lirisë, andaj edhe ne i kujtojmë dhe lartësojmë figurën e tyre me respektin më të madh!
Lavdi gjakut të të rënëve për Atdhe! /InLajmi/
