Hungaria nuk do të pranojë planin e Bashkimit Evropian për të ndaluar importet ruse të naftës në formën e tij aktuale, sepse është kundër sigurisë kombëtare hungareze të energjisë, sipas zëdhënësit të kryeministrit, transmeton InLajmi.
Bashkimi Evropian po propozon të ndalojë të gjitha importet e naftës nga Rusia deri në fund të vitit dhe të heqë bankën më të madhe të vendit, Sberbank, nga rrjeti i pagesave ndërkombëtare SWIFT.
Në shenjë mosmarrëveshjeje të mundshme midis vendeve anëtare të BE-së pas njoftimit për propozimet, Kovacs postoi në Twitter se Hungaria, e cila varet shumë nga importet ruse të naftës nuk e sheh se si do të ishte i menaxhueshëm një tranzicion i embargos së naftës, shkruan CNN.
Kovacs konfirmoi në intervistën e së mërkurës se ekziston tension midis Bashkimit Evropian, Hungarisë dhe Sllovakisë, një vend tjetër që varet shumë nga nafta ruse. /InLajmi/
