Lidhja Demokratike e Kosovës këtë vikend ka mbajtur Konventën e saj programore. E aty, propozime për platformën ekonomike ka dhënë edhe ish deputeti, njëherësh anëtarë i këshillit të përgjithshëm, Blerim Grainca.
Por, i pyetur pse në faqet zyrtare elektronike të LDK-së, nuk ekzistojnë fotografi nga fjala e tij, ka thënë se “LDK është parti e madhe dhe shpeshherë ka shumë zhvillime, dhe mbase ka mundur të ikë.
“Në LDK dhe parti tjera politike, veçanërisht nëpër zyrat për media, ka njerëz me jaka të bardha dhe zemra të zeza, por që besoj ka mund të ketë gabime, por mbase edhe qëllimisht”.
Grainca ka folur edhe për zhvillimet brenda partisë, ku ka thënë se “Abdixhiku ka hyrë në proces zgjedhor korrekt, fer e demokratike. Është zgjedhur në një rrugë mjaft demokratike. Ai gëzon respektin e LDK-së”.
Por, mbi pakënaqësitë e individëve të caktuar, sidomos mbi qëndrimin e Agim Veliut, ish deputeti i Kuvendit ka thënë se “Jam ndër ata që qysh herët kam kontestuar Veliun dhe një klasë politike rreth tij, por ai ka të drejtë të jap sugjerimet në LDK, dhe shumë degë që çalojnë sot në LDK, si dega e Ferizajt apo edhe vet dega e Podujevës, janë rezultat i mos veprimit apo veprimit të keq të Veliut dhe një grupi që kanë qenë pjesë e kryesisë së LDK-së”.
