Bahri Cani ka folur për takimin e kryeministrit Albin Kurti, me kancelarin Olaf Scholz në Berlin.
Duke komentuar atë, se a është bllokuar procesi i dialogut Kosovë –Serbi, Cani tha se nuk mund të thuhet është bllokuar ose nuk është bllokuar procesi.
“Formalisht por edhe decidivisht qysh tani angazhimi i Gjermanisë drejtpërdrejt në këtë proces dhe angazhimi i Lajqak në këtë proces, do të thotë se tani ka ardhur koha vërtetë që procesi të vazhdoj dhe të identifikohet”, ka thënë Cani.
Sipas tij, është vetëm çështje kohe pra se kur do të vazhdojë ky proces, shkruan RTK.
“Ne shumë shpejt do të kemi edhe një fjalim drejtuar kombit siç e ka quajtur Vuçiq në ditën e premte me sa e di unë, se procesi i dialogut do të vazhdoj tutje . Kam përcjellë me shumë vëmendje edhe dy konferencat për shtyp të kryeministrit dhe të presidentit të Serbisë Vuçiq dhe mund të thuhet se edhe pa përfunduar darka mes tyre procesi do të vazhdoj”, tha Cani.
