Profesori i gazetarisë, Alban Zeneli ka thënë se gjatë këtij viti që janë bërë matjet në raportin e “Reporterëve pa kufij” ka pasur deklarata të papërgjegjshme nga zyrtarët publikë.
Zeneli foli edhe për rastin e ministrit të Punëve të Brendshme, Xhelal Sveçla i cili në një konferencë për media e ka quajtur “budallallëk” pyetjen e një gazetareje e cila kishte pyetur për në temë që nuk kishte të bënte me temën për të cilën ishte thirru konferenca e ministrit Sveçla.
Profesori universitar po ashtu tha se një numër i madh i politikanëve kanë nevojë të shkojnë në shkollë, e jo gazetarët, duke përmendur rastin e ish-kryeministrit Ramush Haradinaj i cili pati sugjeruar gazetarët që të shkojnë në shkollë.
“Këto nuk janë matur në raportin e Reporterëve. Rasti që po e përmendi (rasti i ministrit Sveçla) do të jetë në vitin e ardhshëm në raport, sepse kjo gjuhë është shpeshtuar në ditët e fundit ndoshta edhe për faktin se gazetarët kanë bërë pytje të drejtëprdrejta në konferencë shtypi. Ajo çfarë mund të them për rastin Sveçla por edhe për rastet tjera kur politikanët kanë tentuar t’i fyejnë gazetarët, kemi pasur raste edhe të mërhershme të ish-kryeministrit Haradinaj që i ka sugjeruar gazetarët të shkojnë në shkollë. Unë mendojë që një numër i madh i politikanëve kanë nevojë me shku në shkollë e jo gazeztarët. Sepse gazetarët shumica prej tyre janë të shkolluar për punën që e bëjnë”, ka thënë Zeneli.
Sipas tij, gjuha e politikanëve ndaj gazetarëve është e papranueshme, shkruan Tëvë1.
“Kjo gjuhë e tyre është absolutisht e papranueshme dhe i barazon gazetarët me prodhuesit e dezinformatave në sy të publikut sepse një numër i njerëzve mund të ju besojnë atyre politikanëve dhe tani ju duket si dikush që prodhon dezinformuat si dikush që e prodhon një raport të vërtetë. Në këtë pikëpamje mendoj që dëmi është shumë i madh”, tha më tej Zeneli
