Zëdhënësi i Policisë së Kosovës në rajonin e Prishtinës, Agron Borovci ka konfirmuar për InLajmin, aksidentin e trafikut të ndodhur në fshatin Gllobar, në Komunën e Drenasit ku kanë humbur jetën 2 persona ndërsa 3 janë të lënduar, përcjell InLajmi.
Trupat e pajetë të viktimave janë dërguar në Institutin e Mjekësisë Ligjore, ndërsa të lënduarit janë dërguar në QKUK-Prishtinë për trajtimin e mëvonshëm mjekësor.
Sipas policisë njësia rajonale e trafikut ka dalë në vendin e ngjarjes dhe po ndërmerr veprimet e nevojshme për të ndriçuar shkaqet që e kanë sjell aksidentin./InLajmi/
