Shefi i fabrikës së hekurit dhe çelikut të rrethuar “Azovstal”, Enver Tskitishvili shpjegoi se pse fabrika ka qenë një objektiv i tillë për luftëtarët ukrainas, të cilët tani po bëjnë rezistencë kundër forcave ruse që e kanë bombarduar për javë të tëra, transmeton InLajmi.
Fillimisht e ndërtuar në vitin 1930, autoritetet sovjetike e pajisën atë me 36 bunkerë, disa prej të cilëve mund të përballonin një goditje të drejtpërdrejtë bërthamore. Kishte gjithashtu një rrjet të gjerë tunelesh, 8 metra nën tokë.
Pas inkursioneve të Rusisë në Ukrainë në vitin 2014, qeveria ukrainase përditësoi sistemin e bunkerit të Azovstal dhe këtë vit, ajo u dha luftëtarëve detaje dhe harta të rrjetit nëntokësor dhe furnizoi fabrikën me 40 mijë pako ushqimi – secila e mjaftueshme për një person për një ditë.
“Kur filloi lufta, ne bëmë një njoftim në qytet se të gjithë njerëzit, nëse lëndohen gjatë bombardimeve dhe granatimeve, mund të vijnë tek ne”, tha Tskitishvili, shkruan BBC.
Por ai shtoi: “Ne menduam se ishte e mundur që do të bombardoheshim, por nuk prisnim një gjenocid të tillë dhe një luftë kaq çnjerëzore”, tha ai. /InLajmi/
