Prokurorja e Përgjithshme e Ukrainës tha se zyra e saj po hap raste të reja të krimeve të dyshuara të luftës nga forcat ruse, me një total prej 9.158 çështjesh penale, transmeton InLajmi.
“Ne kemi identifikuar tashmë disa kriminelë të luftës,” tha Iryna Venedictova.
“Ka 15 njerëz në rajonin e Kievit për shembull, 10 prej tyre në Bucha. Ne po i kërkojmë ata përgjegjës për torturë, përdhunim dhe plaçkitje.”
Prokurorët ukrainas emëruan 10 ushtarë rusë javën e kaluar si të dyshuar për një sërë krimesh në Bucha.
Në lidhje me identifikimin e viktimave në Buça, Venediktova tha se disa trupa nuk mund të identifikohen dhe janë mbledhur mostra të ADN-së.
Fatkeqësisht, ne kemi baza për të hapur çdo ditë raste të reja: vdekje të civilëve, bombardime, dëbim të qytetarëve dhe fëmijëve tanë në territoret e pushtuara dhe në territorin e shtetit agresor etj”, tha ajo.
Venedictova shtoi se Ukraina po merrte ndihmë ndërkombëtare në hetimet e saj, shkruan CNN.
“Tani kemi një ekip ekspertësh francezë dhe ekspertë nga Sllovakia. Ne presim ekspertët nga Lituania të martën e ardhshme,” tha ajo. /InLajmi/
