Deputeti i Lidhjes Demokratike të Kosovës, Avdullah Hoti ka uruar të gjithë besimtarët mysliman për festën e Fitër Bajramit, përcjell InLajmi.
Hoti ka shtuar se sot ka përfunduar muaji i shenjtë i Ramazanit, dhe ka shpresuar që sakrificat që bëhen në këtë muaj të shërbejnë për faljen e mëkateve të të gjithëve.
Tutje deputeti i LDK-së ka uruar që paqja, solidariteti e harmonia të jenë pranë familjeve të të gjithë qytetarëve të Kosovës.
Postimi i plotë i tij:
Të dashur miq dhe besimtarë,
Sot ishte dita e fundit e muajit të Ramazanit, muajit të sakrificës, besimit, lutjes ndaj Krijuesit dhe solidaritetit ndaj njëri-tjetrit.
Sakrificat që i bëjmë në këtë muaj të shenjtë janë për Krijuesin fuqiplotë dhe lutje për faljen e mëkateve tona. Solidariteti, paqja dhe harmonia e këtij muaji qoftë gjithmonë për të gjithë popullin tonë.
Agjërim të pranueshëm dhe paqe për të gjithë!/InLajmi/
