1 Maji njihet si Dita Ndërkombëtare e Punëtorëve. Ky manifestim lindi nga lufta e punëtorëve për të kërkuar dhe siguruar të drejtat, liritë dhe kushtet e punës e të jetesës, transemton InLajmi.
1 maji i parë si “Dita e Punëtorëve” u lind në Paris në vitin 1889. Ideja u hodh gjatë Kongresit të Internacionales së 2-të, të mbledhur në kryeqytetin francez. Objektivi i organizatës së krijuar ishte ai i koordinimit të aktiviteteve të të gjitha partive kombëtare të lidhura me lëvizjen e punëtorëve. U vendos të realizohej një manifestim i madh për t’i kërkuar autoriteteve publike që të reduktonin ditën e punës në 8 orë.
“8 orë punë, 8 orë argëtim, dhe 8 orë për të fjetur” ishte motoja e kijuar për herë të parë në Australi në vitin 1855
Në Evropë 1 Maji festa e punëtorëve është bërë zyrtare nga ana e delegatëve socialistë të kongresit të Internacionales së 2-ë në Paris në vitin 1889 dhe ratifikuar në Itali 2 vjet më vonë, shkruan Britannica.
Pse e festojmë ditën e punëtorëve?
Dita Ndërkombëtare e Punëtorëve ose Dita e Punës i kushtohet nderimit të përpjekjeve të bëra nga punëtorët në mbarë botën. Gjithashtu, e njohur gjerësisht si Dita e Majit, kjo ditë ka të bëjë me rishikimin e të drejtave të punëtorëve dhe parandalimin e shfrytëzimit të tyre. /InLajmi/
