Ish-kryetarja e Preshevës, Ardita Sinani ka reaguar pas fitores së Shaip Kamberit të një mandati të ri si deputet në Kuvendin e Serbisë, përcjell InLajmi.
Sinani ka vënë në pah sfidat që e kanë përcjellë Kamberin deri te kjo fitore, duke theksuar se janë munduar ta ndalin nga lartë e poshtë dhe ta zëvëndësojnë me një politikë më të përshtatshme, por që nuk ia dolën, pasi ai ka pasur mbështetjen e shtetit të Kosovës dhe shqiptarëve gjithandej.
Ish-kryetarja tha se Kamberi na ka bërë krenarë me punën e tij.
Në fund ajo e uron Kamberin për mandatin e ri, si dhe theksoi se degradimi i politikës në Luginë nuk kaloi.
Postimi i plotë i saj:
U munduan ta ndalin nga lartë dhe poshtë.
U përpoqën ta zëvëndësojnë me një politikë më të përshtatshme.
Nuk ia dolën.
Pati përkrahjen e shumicës absolute të popullit të tij.
Pati mbështetjen e shtetit të Kosovës dhe të shqiptarëve gjithandej.
Deputeti që na bëri krenar me punën e tij.
Deputeti që sonte u rimandatua për të folur dhe vepruar në emrin e Luginës në Beograd.
Ai është Shaip Kamberi.
Urime kryetar.
Degradimi i politikës shqiptare në Luginë nuk kalon!
Vazhdojmë bashkë. /InLajmi/
