Komisioni Evropian ka propozuar liberalizimin e vizave për Katarin dhe Kuvajtin, pasi sipas tyre ata kanë bërë përparim në reforma, përcjell InLajmi
E në lidhje me këtë ka reaguar profesori univeristar, Blerim Latifi, duke thënë se kjo është rrenë e madhe sa vetë Evropa, pasi qëllimi i vërtetë i kësaj nisme është thjesht biznesi, në kohën kur tregtia me Rusinë është në krizë.
I acaruar me këtë vendim, Latifi thotë se liberalizimi i vizave për Kosovën as që duket në horizont, e fajin për këtë ia lë Bashkimit Evropian, duke thënë se ajo po vazhdon të favorizojë Serbinë në dialogun me Kosovën.
Latifi thotë se e meritojmë këtë çmim pasi nuk jemi të zotë që të faktorizojmë vetën në Ballkan si komb shqiptar.
Profesori universitar thotë se s’ka si të ndodhë ndryshe me qyqarët, pasi ata e kanë vendin prapa derës.
Postimi i plotë i tij:
Komisioni Europian paska propozu liberalizimin e vizave për Katarin dhe Kuvajtin. Arsyetimi: kanë bërë përparime në reforma. Kush e beson këtë rrenë të madhe sa vetë Europa? Arsyeja e vërtetë është thjesht biznesi, në kushtet kur tregtia me Rusinë është në krizë.
Në ndërkohë liberalizimi i vizave për Kosovën nuk duket në horizont. Shkaku i vërtetë dihet: favor implicit i BE- së për Serbinë në procesin e dialogut me Kosovën. Dhe mirë po na e bëjnë! E meritojmë nënçmimin përderisa nuk jemi të zotë për ta faktorizu veten në Ballkan si komb shqiptar. Dhe nuk ka si të ndodhë ndryshe me qyqarët.Vendi i tyre gjithmonë ka qenë dhe do të jetë prapa derës. /InLajmi/
