Bashkimi i Sindikatave të Pavarura të Kosovës (BSPK), ka marrë vendim që 12 maji të vijë më një orë grevë, kjo grevë është arsyetuar me mos plotësimin e kërkesave nga Qeveria e Kosovës, raporton InLajmi.
Ishte kryetari i BSPK, Atdhe Hykolli, ai i cili tha se pa marrë parasysh se është një rrugë që i shpien drejtë një dialogu me Qeverinë e Kosovës prapë veprimet e tyre nuk do ndalen.
Kështu me 12 maj është vendosur të ketë grevë një orëshe ndërsa me 20 maj protestë dhe veprime të tjera sindikaliste.
“Sapo përfunduam takimin mbledhjen e BSPK-së dhe u them se jemi është shumë unik me të gjitha kërkesat dhe të gjitha veprimet që do t’i marrim në të ardhmen. Ne sot vendosëm që krahas që është hap një tunel i vogël i dialogut social me qeverinë e Kosovës ne do të vazhdojmë me veprimet tona me datën 12 maj kemi vendos që të fillojmë me një grevë një orësh për të gjithë të punësuarit e Kosovës dhe vazhdojmë me protestën me 20 maj me protestën e veprimet tjera sindikale”, tha ai.
Tutje ka folur edhe kryetari i Sindikatës së Bashkuar të Arsimit, Shkencës në Kosovë (SBASHK), Rrahman Jashari, ku sipas tij sindikatat nuk i kanë mbyllur akoma dyert qeverisë mund të dialogohet.
Jasharaj ka thënë se protesta e 20 majit do të jetë madhështore.
“Krahas unitetit të jashtëzakonshëm që është në SBASHK tash ky unitet ka kaluar edhe në BSPK dhe gjërat po i bëjmë bashkë. Ne nuk e kemi mbyll derën për dialog. Kryetari ynë bashkë me ekipet do të vazhdojë dhe do të mirëpres çdo takim me Qeveri. Pritja jonë është deri me 12 dhe do të ketë një grevë në tërë Kosovën. Pas kësaj greve do të kemi një protestë besoj madhështore ku të gjithë të punësuarit e Kosovës do të jenë në sheshin “Skënderbeu”. Nëse edhe këto 2 javë nuk arrijnë marrëveshje atëherë pas protestës së 20 majit, Sindikatat do të shkojnë në grevë të përgjithshme duke paralizuar sistemin arsimor por edhe sektorë tjera”, tha ai. /InLajmi/
