Fëmijëve italianë duhet t’u vihen mbiemrat e të 2 prindërve, pas vendimit historik të Gjykatës Kushtetuese, duke përmbysur traditën me të cilën të gjithë të porsalindurit u vihen automatikisht emrat e baballarëve.
“Kjo praktikë ishte diskriminuese dhe e dëmshme për identitetin e fëmijës”, tha gjykata në një deklaratë.
“Fëmijëve duhet t’u jepen mbiemrat e të 2 prindërve sipas radhës që ata vendosin, përveç nëse bien dakord që fëmijët e tyre të marrin vetëm njërin prej tyre”, shtoi gjykata në një deklaratë.
Ministrja e Familjes, Elena Bonetti, tha se qeveria do të mbështesë plotësisht parlamentin në këtë proces.
“Ne duhet t’i japim thelbin vendimit, dhe është një prioritet i lartë dhe detyrë urgjente e politikës për ta bërë këtë” , tha ajo, duke shtuar se prindërit duhet të marrin përgjegjësi të barabartë për rritjen e një fëmije.
Krahasuar me vendet e tjera evropiane ku të 2 mbiemrat mund të përdoren për fëmijët, si Franca, Gjermania dhe Spanja, Italia ka qenë e ngadaltë në pranimin e njohjes së mbiemrit të nënës.
Ligji i ri do të miratohet nga parlamenti, përcjell Periskopi.
Papa Françesku dhe liderët politikë të Italisë kanë shprehur shqetësime për ndikimin e një niveli në rënie të lindjeve në vend, me koston e rritjes së fëmijëve që shihet si një nga faktorët.
