Zyrtari PSD-së, Zgjim Hyseni, ka thënë se Martin Berishaj është përfshirë në një skandal financiar në Slloveni, dhe ka shtuar se të gjithë ata që kanë bërë tregti me Beogradin pavarësisht cila është kompania, është e pamundur të mos bien në rrjetin e mafisë energjetike të Ballkanit, raporton InLajmi.
“Ne e dimë që kushdo që bënë tregti me Beogradin, pavarësisht se cila është kompania, është e pamundur që mos me ra në rrjetën monopol të ashtuquajturës mafi energjetike e Ballkanit. Këto kompani janë të lidhura me emra famëkeq”, tha ai.
Hyseni ka shtuar se Berishaj ka marrë para nga Beogradi por ai thotë se meqë Berishaj vazhdon të mbetet në detyrë, opozita kanë të drejtë të besojnë se kryeministri Albin Kurti dhe presidentja Vjosa Osmani janë të lidhur direkt me këtë punë./InLajmi/
