Sergio Ramos nuk e ka ndërmend të largohet nga Paris Saint Germain pavarësisht shkrimeve të fundit në Francë.
Mbrojtësi spanjoll iu bashkua një vit më parë parisienëve si transferim i lirë nga Real Madrid, por pa arritur të luaj shumë shkaku i lëndimeve të shpeshta.
36-vjeçari ka luajtur në 10 ndeshje në total, ku ka shënuar edhe 2gola dhe që të 2 në elitën e futbollit francez.
Ish-kapiteni i Real Madrid ka thënë se nuk do të largohet nga Parc de Princes pasi do t’i tregojë skuadrës se çfarë është i aftë të bëj.
“Në fund, luajta pak, nuk ia arrita qëllimeve të mia. Dua t’i tregoj skuadrës çfarë jam i aftë të bëj, nuk ka gëzim më të madh sesa kur të jem në gjendje ta realizoj këtë gjë”, tha Ramos duke zbuluar edhe shokët më të mirë që ka tek PSG.
“Kam kaluar kohë te mrekullueshme këtu, kaloj mirë me Thilo Kehrer dhe me Keylor Navas, që është si vëlla dhe si anëtar familje për mua”, transmeton Telegrafi.
“Përshtatja ime me të ishte më e lehtë se me pjesën tjetër, për faktin se dikur kemi qenë miq në kohën kur të dy ishim në Madrid”, u shpreh qendërmbrojtësi spanjoll.
Ramos ka kontratë me PSG-në deri në qershor të vitit 2023.
