Presidentja e Republikës së Kosovës, Vjosa Osmani, në Ditën Kombëtare të të Pagjeturve, dhe përvjetorin e Masakrës së Mejës ka thënë se kjo Ditë është përkujtim, pritje e ankth për familjarët dhe shtetin e Kosovës, përcjell InLajmi.
“Janë mbi 1600 të zhdukur me dhunë, thirrja jonë për drejtësi, e cila do të vihet në vend kur para saj do të dalin autorët e krimeve dhe do të zbardhet fati i secilit nga njerëzit tanë. Duam dhe do të insistojmë të dimë për fatin e tyre” tha ajo.
Osmani ka shtuar se këto ditë na bëjnë të kthejmë kokën pas jo vetëm për ti kujtuar ata që nuk janë në mesin tonë por edhe për ta thënë fuqishëm se për ta nuk është vetëm një ditë si kjo, por çdo ditë.
Sipas saj, forcat e regjimit serb, kanë kryer shumë krime të tjera në Kosovë, e ndër më të rëndat është Masakra e Mejës, në të cilën u vranë barbarisht 376 djem e burra shqiptarë./InLajmi/
