Ministria e Drejtësisë së Kosovës, Albulena Haxhiu në Ditën Ndërkombëtare të Personave të Pagjetur, ka përkujtuar të humburit duke thënë se këta persona janë të gravuar në kujtesën e më të dashurve të tyre, përcjell InLajmi.
Haxhiu ka theksuar se populli kosovarë është dëshmitarë i krimeve mizore që Serbia ka shkaktuar dhe se papërgjegjësia e autoriteteve të këtij të fundit qëllimisht pengon zbardhjen e fatit të të humburve.
Ajo ka shtuar se dëshmorët që kanë rënë në përpjekjen e vendit për liri, duhet ti kujtojmë duke u angazhuar qe drejtësia për Kosovën të vije në vend.
Postimi i plotë i saj:
Në ditën ndërkombëtare të të zhdukurve, popujt kujtojnë të zhdukurit, emrat e të cilëve mbeten të gravuar në kujtesën e më të dashurve të tyre.
Ne, sot kujtojmë 1617 persona të zhdukur dhunshëm nga policia dhe ushtria serbe.
Na ndajnë 23 vite nga përfundimi i luftës, nga koha kur nga ne u morën dhunshëm civilë, të pafajshëm.
Ne jemi dëshmitarë të krimeve mizore që Serbia ka shkaktuar ndaj qytetarëve tanë, dhe po aq mizore mbetet papërgjegjësia e autoriteteve të Serbisë që qëllimshëm pengon zbardhjen e fatit të tyre.
Asnjë përgjegjësi, asnjëherë, për asnjë dëm.
Le t’i kujtojmë përherë të zhdukurit, martirët, dëshmorët që ranë në përpjekjen tonë për liri.
Le t’i kujtojmë duke u angazhuar që drejtësia për Kosovën dhe qytetarët e saj të vije në vend./InLajmi/
