Kryetari i komunës së Deçanit, Bashkim Ramosaj ka njoftuar se është takuar me përfaqësuesin e organizatës “CELIM”, Valon Mejzinin për qëllim realizimin e projektit “NaturKosovo”, përcjell InLajmi.
Sipas Ramosaj ky projekt ka për qëllim të zhvillojë pjesën turistike të Deçanit dhe gjithashtu zhvillimin e qëndrueshëm të turizmit në tërë Kosovën.
Kryetari shtoi se projekti i “Via Dinarica” rrit burimet kulturore, historike dhe natyrore të vendit duke gjeneruar zhvillim të qëndrueshëm në tërë Kosovën.
Postimi i plotë i tij:
Pata kënaqësinë të pres në takim përfaqësuesin e RTM z.Matteo Mancini dhe pëfaqësuesin e organizates CELIM z.Valon Mejzini.
Biseduam për projektin “NaturKosovo – kryeqyteti natyror dhe kulturor në Kosovë dhe zhvillimi i qëndrueshëm turistik i Via Dinarica”, iniciativë që ka për qëllim të kontribuojë në zhvillimin e qëndrueshëm të turizmit në Kosovë.
Ajo rrit burimet kulturore, historike dhe natyrore të vendit, duke gjeneruar zhvillim të qëndrueshëm dhe krijimin e mundësive të punësimit për komunitetet lokale, mbështetjen e institucioneve vendore në qeverisjen e turizmit dhe në promovimin e pjesës kosovare të Via Dinarica.
Mirënjohës për bashkëpunimin! /InLajmi/
