I pari i Aleancës për Ardhmërinë e Kosovës, Ramush Haradinaj, ka bërë homazhe në kompleksin memorial në Meje në Komunën e Gjakovës, raporton InLajmi.
Ai tha se kjo është nder masakrat më të mëdha e cila ka ndodhur ndonjëherë në Kosovë, duke mos harruar të cek së u masakruan qytetarë të moshave të ndryshme.
Haradinaj tutje tha se një pjesë nga të masakruarit nuk iu dihet as fati, ndërsa si përfundim ai tha së ngushëllimi më i mirë për familjarët e të rënëve është drejtësia.
“Ndodhemi në Mejë dhe është dhimbja më e madhe e shqiptarëve. Është masakra më e madhe që ka ndodhur në Kosovë. Qytetarët ë gjitha moshave janë masakruar në atë kohë. Në pjesën e tyre janë varrosur në Mejë një pjesë nuk dihet fati i tyre. Ngushëllimi më i mirë është të vendoset drejtësi. Ende nuk ka ndodhur një proces gjyqësor që do ta trajtonte këtë masakër. Kjo është masakra më e madhe në Kosovë”, tha Haradinaj.
E kryetari i Gjakovës, Ardian Gjini, tha se Meja është ndër shenjat më të mëdha të shqiptarëve. /InLajmi/
