Misioni i Bashkimit Evropian për Sundimin e Ligjit në Kosovë, Eulex ka shkruar rreth rishikimeve të mbetje mortore në morgun e Prishtinës, këtë veprim e ka bërë në Ditën e të Pagjeturve, përcjell InLajmi.
Eulex-i ka theksuar se do të vazhdojnë përkushtimin e tyre rreth ndriçimit të fatit të 1620 personave të pagjetur dhe ky proces do të përcaktojë statusin e të gjitha llojeve të rasteve.
Postimi i plotë i Eulex-it:
Rruga përpara – Rishikimi i mbetjeve mortore në morgun e Prishtinës
Në Ditën Kombëtare të Personave të Zhdukur, ne ritheksojmë përkushtimin tonë për të vazhduar mbështetjen për Institutin e Mjekësisë Ligjore në përpjekjet e tij për ndriçimin e fatit të 1620 personave.
Bashkë me IML-në, EULEX-i aktualisht është duke bërë një rishikim të mbetjeve mortore në morgun e Prishtinës.
Ky proces pritet të përcaktojë statusin e të gjitha rasteve që përfshijnë:
– rastet e ndërlidhura me konfliktin që janë të interesit mjekoligjor
– rastet që janë të interesit mjekoligjor që nuk janë të ndërlidhura me konfliktin
– rastet që nuk janë të interesit mjekoligjor. /InLajmi/
