Ndihmës sekretarja amerikane për Çështjet Evropiane dhe Euroaziatike, Karen Donfried, ditën e sotme po qëndron në Kosovë e që sipas saj kjo kohë është sfiduese për Ballkanin Perëndimor, raporton InLajmi.
Sipas saj situata në Ballkanin Perëndimor është sfiduese për arsyeje të luftës që po zhvillohet në mes të Rusisë dhe Ukrainës, ajo është shprehur se është nevojë urgjente që Kosova të integrohet në institucionet evropiane dhe euroatlantike.
”Siç e dini jam këtu, në një kohë sfiduese, në një moment përcaktues për Evropën, e në veçanti për Ballkanin Perëndimor. Lufta e pajustifikuar dhe brutale në Rusi, na ka treguar sa e rëndësishme dhe urgjente është që të punojmë për të siguruar që Kosova dhe fqinjët e saj të vazhdojnë reformat e domosdoshme për konsolidimin demokratik dhe integrimin e tyre në institucionet evropiane dhe euroatlantike”, tha ajo.
Tutje Donfried ka theksuar së paqja e Kosovës nuk duhet të merret si e mirëqenë, duke thënë së duhet të punohet për të siguruar nevojat e qytetarëve.
”Edhe pse e fituar me shumë mund, paqja dhe progresi i Kosovës nuk duhet të merren si e mirëqenë. Të gjithë ne duhet të punojmë çdo ditë për të siguruar nevojën e qytetarëve tanë. Kjo do të thotë avancimin e përpjekjeve për të siguruar që Kosova e merr vendin e duhur në institucionet e saj evropiane dhe euroatlantike përfshirë përmes marrëveshjes për normalizimin e marrëdhënieve me Serbinë që përqendrohet në njohjen e ndërsjellë”, përfundoi ajo. /InLajmi/
