Kryeministri i Republikës së Kosovës, Albin Kurti, e ka pritur në takim Ndihmës Sekretaren e Shteteve të Bashkuara të Amerikës për çështje të Evropës dhe Euroazisë, Karen Donfried, raporton InLajmi.
Ky takim i zhvilluar të pranishëm e kishte edhe Sekretarin e Shteteve të Bashkuara të Amerikës, Gabriel Escobar.
Pas përfundimit të takimit pa praninë e mediave, Kurti u paraqit në një konferencë për media ku tha se është momenti që Kosova të anëtarësohet në Këshillin Evropian dhe të bëhet pjesë e partneritetit të paqes.
Kurse Kurti nuk e la pa e përmendur edhe luftën që po zhvillohet mes Rusisë dhe Ukrainës, ku sipas tij është për të ardhur keq se si Serbia refuzon ta sanksionoi Rusinë.
“Dje u bënë 2 muaj që kur nisi agresioni i pajustifikuar i federatës Ruse ndaj Ukrainës. kjo luftë po zgjat shumë gjatë se sa agresori e priste. Reagimi dhe rreshtimi i Kosovës me SHBA, be dhe ke ka qenë i menjëhershëm. Përpos sanksioneve që i kemi vendos federatës ruse kemi shpreh gatishmërinë të presim mbi 5.000 refugjat nga Ukraina. Është për të ardhur keq që kemi refuzimin e Serbisë për të sanksionuar Rusinë. Për SHBA Kosova do mbetet mik aleat dhe partner i besueshëm.”, tha Kurti. /InLajmi/
