Kryeministri i Kosovës, Albin Kurti ka uruar ekipin kosovar “Bad News Eagles”, të cilët janë kualifikuar në turneun më të madh në botë në PGL Antwerp Major 2022 për garën CSGO, përcjell InLajmi.
Kurti e cilësoi këtë sukses si historike për vendin tonë, pasi lojëtarët nga sot do ta përfaqësojnë Kosovën në garën më të madhe në botë.
Kurti i përgëzoi lojëtarët dhe theksoi se i gëzohet çdo të arriture të rinisë sonë.
Gjithashtu kryeministri i vendit tha se rinia jonë po e dëshmon çdo ditë e më shumë se kur kombinohet pasioni dhe puna, suksesi është i garantuar.
Postimi i plotë i tij:
Bravo gamers! Kosova bën historinë me kualifikimin në PGL Antwerp Major 2022. Bad News Eagles sot mposhtën Sinners me rezultat 2:1. Kjo fitore i bën pjesë të garës më të madhe të vitit për CSGO.
Pra, prej internet kafesë, ku filluan ushtrimet e para, BNE nga sot na përfaqësojnë në garën më të madhe në botë.
I gëzohem çdo të arriture të rinisë sonë. Ata po na dëshmojnë çdo ditë se kur kombinohet pasioni dhe puna, suksesi është i garantuar. /InLajmi/
