Rodrigo De Paul mund të largohet nga Atletico Madrid vetëm pas një viti qëndrim në Wanda Metropolitano.
Mesfushori argjentinas nuk ka arritur të përshtatet me futbollin e Los Colchoneros dhe po mendon rikthimin në elitën e futbollit italian.
Interi mbetet skuadra favorite për transferimin e argjentinasit i cili po has në vështirësi për të zënë një vend titullari te Atletico.
Mediat italiane kanë raportuar se përfaqësuesit e lojtarit kanë zbritur në Itali ku kanë filluar bisedimet me drejtuesit e Interit për transferimin e argjentinasit në Giuseppe Meazza.
27-vjeçari ka pranuar rikthimin në Serie A derisa Interi po shihet si skuadra favorite.
Gjithsesi agjentët e futbollistit pritet të kenë takime edhe me drejtuesit e Romës dhe Juventusit, dy skuadra që gjithashtu e duan argjentinasin, transmeton Telegrafi.
Atletico është gati ta lejoj largimin e tij, por dëshiron të fitojë 35.000.000, shumë që shpenzuan vitin e kaluar për ta transferuar nga Udinese.
