Kreu i Aleancës për Ardhmërinë e Kosovës, Ramush Haradinaj, nuk ka përtuar t’i numëroj me radhë një nga një dështimet e Qeverisë së Kosovës, përcjell InLajmi.
Haradinaj ka pyetur kryeministrin e Kosovës, Albin Kurti, se pse po dështon ndërtimi i kapaciteteve të reja energjetike në vend, duke i renditur edhe shumë pyetje të tjera pas kësaj.
Ai ka përmendur Kosovën A, Kosovën e Re, remontin e termocentraleve që ishin të parapara të kryhen gjatë verës si dhe shumë e shumë të tjera.
Krejt këto pyetje Haradinaj ia drejtoi Kurtit pasi ky i fundit po refuzon formimin e Komisionit Hetimor për energjinë elektrike.
Postimi i plotë i tij:
Pse po dështon ndërtimi i kapaciteteve të reja energjetike në vend?
Pse ka dështuar Kosova C?
Pse ka dështuar Kosova e Re?
Pse ka dështuar remonti i termocentraleve i paraparë të kryhej gjatë verës?
Pse janë paguar dhjetëra milionë për blerjen e rrymës me çmime astronomike gjatë dimrit?
Pse paguhen dhjetëra milionë të tjerë për rrymën e vjedhur në veri?
Pse është refuzuar gazi amerikan?
Pse e ke refuzuar komisionin hetimor për blerjen e energjisë?
Pse njeriu yt po përflitet të jetë pjesë e skandalit financiar të një kompanie mafioze energjetike?
Fol Kryeministër. Shpjegoja popullit ku je ti në këtë histori? /InLajmi/
