Shërbimi Spitalor Klinik Universitar i Kosovës ka njoftuar se për herë të parë që nga fillimi i pandemisë, nuk ka asnjë pacient të shtrirë në Klinikën Infektive, përcjell InLajmi.
Ndërkaq, në Spitalin e Gjakovës është i shtrirë vetëm një pacient me Covid-19, kurse sa i përket pacientëve me post-Covid, Klinika Infektive po i trajton vetëm 3 persona.
Tashmë, duke qenë se gjendja me Covid-19 është më e mirë, Klinika Infektive ka ofruar shërbime shëndetësore dhe për pacientët me sëmundje të tjera ngjitëse.
Postimi i plotë nga SHSKUK:
Klinika Infektive nuk ka pacientë të konfirmuar me Covid-19
Për herë të parë që nga fillimi i Pandemisë së Covid-19, Klinika Infektive e Qendrës Klinike Universitare e Kosovës nuk ka të shtrirë asnjë pacient të konfirmuar me Covid-19.
Ndërkaq, në Spitalin e Gjakovës është i shtrirë 1 pacient i konfirmuar me Covid-19.
Sa i përket pacientëve post-Covid-19, Klinika Infektive po i trajton 3 të tillë.
Klinika Infektive para disa muajve, pas qetësimit të situatës me Covid-19, ka filluar të ofrojë shërbime shëndetësore edhe për pacientët me sëmundje të tjera ngjitëse. /InLajmi/
