Presidentja e Republikës së Kosovës, Vjosa Osmani, priti në takim 3 senatorët amerikanë, Jeanne Shaheen, Chris Murphy dhe Thom Tillis, të cilët tani gjinden në Prishtinë ne kuadër të një vizite në rajon, raporton InLajmi.
Të 3 senatorët bashkë me Osmanin dolën në një konferencë të përbashkët, ku kjo e fundit tha se kjo vizitë po e deshmon çartë se SHBA-të janë aleati me i madhe i Kosovës.
“Si aleati ynë më i madh e i zëshëm, SHBA-ja luan rol në rajonin tonë, në Kosovë, dhe e mirëpresim këtë angazhim. Rendi i siguria është nën kërcënim. Informova mysafirët nga senati për rolin që Serbia dëshiron ta luajë në rajonin tonë. Ne bashkërisht do t’i ndalojmë këto ndikime malinje, sepse është vullnet i popullit të Kosovës”.
Ndër të tjera Osmani tha se shteti i Kosovës është më fat që bashkëpunon më SHBA-të, tutje tha se në takim është biseduar për synimet drejt integrimit euroatlantik.
“Kur punojmë së bashku me SHBA mund të arrijmë gjithçka. Jemi me fat që vazhdojmë të kemi mbështetjen e secilës administratë amerikane. Përkushtimi ynë është kyç për të nderuar mbështetjen nga SHBA-ja. Fola për synimin tonë hapat drejt integrimit euroatlantik. Rruga e Kosovës është e qartë dhe kam besim së do të kemi mbështetjen e plotë të SHBA”, tha Osmani.
Si përfundim foli edhe senatorja amerikane, Jeanne Shaheen ku u shpreh e lumtur që ka mbërritur në Kosovë, veç tjerash tha së ka rëndësi ta tregohet mbështetje për Kosovën
“Më vjen mirë që jam kthyer këtu me miqtë tanë. Kam delegacion 2 partiak. Ne shërbejmë në komisione që janë të rëndësishme për Kosovën dhe politikë të jashtme. Është e rëndësishme të tregojmë mbështetjen tonë në Kosovë. Sot vizituam kampin Bonstill dhe çmojmë përkushtimin e Kosovës. Vlerësojmë historinë dhe përkujtimin tuaj për sekretaren e Olbright. Edhe në SHBA do të na mungojë ajo. Këtu jemi si pjesë e miqësisë që kanë ShBA dhe Kosova. Mirëpresim aspirata e Kosovës për të qenë pjesë e NATO. Ne jemi pjesë e grupit punues për NATO. Gjithashtu dëshiroj të shpreh përkrahjen për të lëvizur drejt BE. I ndajmë shqetësimet tuaja për rajon. Mirëpresim mundësinë për të bashkëpunuar më tej. Mirëpresim mundësinë për të vazhduar marrëdhëniet tona të punës”, tha Shaheen. /InLajmi/
