Ministrja e Punëve të Jashtme, Donika Gërvalla gjatë adresimit të saj në Këshillin e Sigurimit në OKB, ku edhe është duke raportuar për Kosovën nuk hezitoi ta përmendte edhe rastin e Dick Martyt, i cili pak më herët kishte deklaruar se autoritet sekrete serbe deshën ta vrasin dhe t’ia linin fajin Kosovës, raporton InLajmi.
Gërvalla tha se raste të tilla kemi pasur edhe më herët në Kosovë, duke përmendur rastin “Panda”, ku faji iu la UÇK-së, e përgjegjës për të ishin serbët.
Ajo theksoi se Serbia e ka si traditë të vazhdojë fajësimin ndaj Kosovës, siç është edhe rasti i Dick Martyt të cilin deshën ta vrasin.
Ministri i jashtëm jo vetëm që po mundohet të falsifikojë faktet, por edhe të krijojë një perceptim sikur Millosheviqi. Ai mundua të krijojë një perceptim sikur serbët janë në rrezik dhe duhet ndërhyrja ushtarake për t’i mbrojtur. Kemi pasur raste të tilla. Kemi rastin “Panda” në Pejë ku faji iu la UÇK-së për vite të tëra, ndërkohë që ishin serbët që vritën serbët. Më lejoni të flasë për Dick Martyn. Ai akuzoi për krime përfaqësues kosovar që kanë kryer krime lufte gjatë luftës dhe pas saj. I njëjti zotëri Dick Marty iu tha mediave ditëve të fundit se policia zvicerane iu afrua dhe i ofroi sigurinë më të mëdha për shkak se intelegjenca serbe deshi ta vrasë dhe t’ia lë fajin Kosovës. Janë fjalët e Policisë Zvicerane e jo të Kosovës. Është traditë e lashtë dhe shumë e rrezikshme. Serbët deshën ta vrasin e t’ia lënë fajin Kosovës. /InLajmi/
