Sekretari i Përgjithshëm i Kombeve të Bashkuara, Antonio Guterres ka kërkuar takim të veçantë me presidentin rus, Vladimir Putinin në Moskë dhe presidentin ukrainas Volodymyr Zelenskyn në Ukrainë, për të diskutuar për nevojën urgjente për të sjellë paqe, transmeton InLajmi.
Guterres do të donte të diskutonte hapat urgjent për të sjellë paqen në Ukrainë dhe të ardhmen e multilateralizmit bazuar në Kartën e Kombeve të Bashkuara dhe të drejtën ndërkombëtare”, sipas një deklarate nga zëdhënësi i OKB-së, Stephane Dujarric.
Letra të veçanta iu dorëzuan misioneve të Rusisë dhe Ukrainës të martën, tha Dujarric.
Zëdhënësi vuri në dukje se Guterres është në pritje të përgjigjeve nga qeveritë ruse dhe ukrainase për një kërkesë për një takim.
Dujarric tha se ai do të shoqëronte sekretarin e përgjithshëm nëse do të udhëtonte, por nuk mund të sqaronte se kush tjetër do të shkonte.
“Ne do të ndajmë me ju informacionin mbi delegacionin kur të arrijmë atë hap”, tha ai.
“Ne do të presim për të parë përgjigjet dhe më pas do të marrim vendime … bazuar në përgjigjet që marrim,” tha ai, shkruan CNN.
I pyetur nëse Sekretari i Përgjithshëm i vjen keq që nuk kërkoi takime më herët, ai tha se Guterres ka bërë atë që ai mendon se është mënyra më praktike dhe më e mirë. /InLajmi/
