Në Prishtinë sot u organizua një tryezë për të diskutuar për fatin e të pagjeturve. Komisioni për të Pagjetur e që kishin ftuar edhe aktivisten serbe për të drejta të njeriut, Natasha Kandiq. Por, prania e saj nuk u pëlqeu familjarëve të cilët bojkotuan takimin.
Kryetari i Shoqatës së të Pagjeturve në Ferizaj, Sali Muhaxheri, tha se arsyeja e lëshimit të takimit ishte pasi, sic thotë ai, familjarët e të pagjetur nuk i besojnë Kandiqit.
“Familjarët nuk e kanë besimin te ajo, na nuk e dimë as kush e financon as çka bon ajo. Ne nuk kemi kurrfarë shprese që ajo na ndihmon në këtë çështje, ne si familjar, kur në 23 vjet nuk ka qenë në gjendje me kallëzu një varrezë masive ku gjendet në Serbi”, tha Muhaxheri.
Ai tha se kanë marrë pjesë në takim, pasi kanë pritur se aty do të ishin edhe krerët shtetërorë.
“Për takim jemi njoftuar 24 orë më parë, ne kemi vendosur të shkojmë duke e ditur që do të marrin pjesë edhe krerët institucionalë të shtetit, presidentja. krye parlamentari dhe kryeministri, kur jemi ulë në sallë e kemi parë agjendën, fjalën e rastit e ka pasur Duda Balje pastaj menjëherë ka pasur me marrë fjalën të tjerët, por Duda Balje s’ka dhënë ndonjë shpjegim pse nuk kanë ardhur ata. Pasi e ka marrë fjalën pas Sarandës, Natasha, ne e kemi bojkotu takimin” shtoi ai.
Ai madje tha se as presidentja e as kryeministri nuk janë interesuar ndonjëherë për të dëgjuar hallet e tyre, tha ajo në Klan Kosova.
“Që një vit është në krye qeveria apo presidentja nuk e di që kanë gjetë një kohë me na thirrë, me i dëgju hallet dhe brengat tona. Ky është jo seriozitet”, tha ai.
