Një e mbijetuar e Holokaustit ka vdekur teksa ishte strehuar për t’i shpëtuar forcave ruse në qytetin e rrethuar të Mariupolit.
Vanda Semyonovna Obiedkova, 91 vjeç, dhe familja e saj u fshehën në një bodrum kur forcat ruse filluan bombardimet e tyre në qytetin port jugor, i cili vazhdon të përballet me peshën kryesore të agresionit rus.
Ajo vdiq më 4 prill pasi kaloi javë pa ujë apo ngrohje. Vajza e saj Larissa tha se nëna e saj i kaloi 2 javët e fundit të jetës së saj e paaftë të ngrihej në këmbë.
“Mamaja nuk e meritonte një vdekje të tillë,” tha ajo.
Larissa vazhdoi të përshkruante se si e kaloi gjithë kohën duke u kujdesur për nënën e saj, por
“nuk mund të bënim asgjë për të”, duke shtuar se familja “jetonte si kafshë”, shkruan Sky News.
“Nuk kishte ujë, energji elektrike dhe ishte shumë ftohtë,” tha ajo, transmeton ABC News.
Obiedkova, e cila lindi në Mariupol më 8 dhjetor, ishte vetëm dhjetë vjeçe kur nazistët hynë në qytet në vitin 1941. Kur trupat hynë në shtëpinë e Obiedkova dhe kapën nënën e saj, ajo mundi të arratisej duke u fshehur në një bodrum.
