Shefi i grupit parlamentar të Partisë Demokratike të Kosovës, Abelard Tahiri, ka thënë së kanë arritur t’i grumbullojnë 40 nënshkrime për formimin e Komisionit Hetimor, raporton InLajmi.
Tahiri ka kërkuar që kjo pikë të futet në rendin e ditës, pasi veçse i ka arritur nënshkrimet e duhura dhe pastaj të vazhdojë më marrëveshjet.
Tutje ai ka kërkuar që kjo pikë të votohet sepse ky komision është i nevojshëm të formohet.
“Meqenëse jemi në fillim të seancës si grup i PDK dhe për komisionin hetimor kemi propozuar komisionin hetimor që është përkrahur nga 40 deputetë. Ne e kemi diskutuar edhe në seancën e kaluar dhe përmes këtij mocioni kërkojmë nga grupet parlamentare ta përkrahin formimin e këtij komisioni dhe kërkojmë të futet në rend dite dhe pastaj votojmë për marrëveshjet”, tha Tahiri. /InLajmi/
