Shefi i Grupit Parlamentar të LDK-së, Arben Gashi, thotë se Lëvizja Vetëvendosje e Albin Kurtit dëshiron të fsheh diçka, duke pamundësuar hetimin e shtrenjtimit të energjisë elektrike.
Gashi thotë se s’do të bëhen pjesë e një Kuvendi, në të cilin sipas tij, thehet shtylla e demokracisë.
Vetëvendosje e pat një panik të paarsyeshëm ose të arsyeshëm, sepse po duan me fsheh diçka dhe thanë : “ju po flisni dhe ju po doni me hetuar e na nuk lejojmë””, tha Gashi.
“E pamundësuan që komisioni të formohet me 6 nënshkrime”, shpjegoi Gashi.
“Këta duan me pamundësua funksionin mbikëqyrës të Kuvendit që është shtylla e demokracisë”, tha ai në emisionin Pressing në T7.
“Ne nuk do të lejojmë. Nuk ka kuptim që na me marrë pjesë, me votu në një Kuvend ku thehet njëra prej 3 shtyllave themelore të parlamentarizmit”, tha Gashi.
