Presidenti i Ukrainës, Volodymyr Zelensky thotë se “beteja për Donbasin” ka nisur dhe se tashmë është duke u zhvilluar.
Komentet e tij pasojnë paralajmërimet nga zyrtarë të tjerë të lartë që thanë më herët se Rusia ka filluar sulmin e saj të shumëpritur në rajonin lindor të Ukrainës.
Nëpërmjet një postimi në Telegram Zelensky konfirmoi nisjen e betejës ne Donbas.
“Tani mund të themi se trupat ruse kanë nisur betejën e Donbasit, për të cilën janë përgatitur prej kohësh.”
“Një pjesë shumë e madhe e ushtrisë ruse tani është e përqendruar në këtë sulm,” tha Zelensky.
Më herët, zëdhënësi i presidentit ukrainas deklaroi se “faza e 2-të e luftës kishte filluar”, duke iu referuar ofensivës së re të Rusisë në Ukrainën lindore.
” Besoni në ushtrinë tonë, ajo është shumë e fortë ,”tha Andriy Germak, duke i siguruar bashkatdhetarët e tij se forcat e armatosura ukrainase mund të zmbrapsnin armikun.
Të paktën 8 civilë u vranë sot nga bombardimet ruse në rajonet Donetsk dhe Luhansk, ku luftimet po vazhdojnë, sipas autoriteteve lokale ukrainase.
Pas tërheqjes së trupave ushtarakë rreth Kievit, Rusia përqendroi pjesën më të madhe të forcave të saj në Ukrainën lindore, objektiv i bombardimeve të shpeshta pas fillimit të pushtimit rus më 24 shkurt.
Në Kharkiv, ndërkohë, bombardimet ruse vranë tre persona dhe plagosën 15 të tjerë, duke përfshirë një djalë 14-vjeçar, sipas guvernatorit rajonal Oleg Shinegubov, shkruan BBC.
Në rajonin e Donjeckut, rreth 20 kilometra larg , 4 civilë u vranë në një bombardim rus, sipas Pavlo Kirilenko, kreu i administratës ushtarake rajonale të Donetskut, transmeton abc news.
“2 në Torske, një në Handrigalove dhe një në Razdolne (i vrarë) 5 persona të tjerë u plagosën ”, tha ai.
